Gizartea -
Ingurumena
Aurtengo Bandera Beltzak, Urdaibaiko Guggenheim proiektuari eta Getarian eraikiko duten atun makrogranjari
Urtero bezala, Ekologistak Martxan taldeak Bandera Beltzak 2024 txostena argitaratu du, itsasertzeko kutsadura eta ingurumen-kudeaketa txarraren kasu esanguratsuenak ezagutarazteko. Aurten, Urdaibaiko Guggenheimek eta Getariako atun makrogranjak Bandera Beltza jaso dute, kutsaduragatik.
AGENTZIAK | EITB MEDIA
Urtero, 2005etik, Ekologistak Martxan taldeak 48 bereizgarri ematen ditu Estatu espainiarreko kostaldeko hainbat tokitan. Aurten, Urdaibaiko biosferaren erreserban eraiki asmo duten Guggenheim museoak Bandera Beltza jaso du berriro, kutsaduragatik, baita laster Getarian eraikiko den atun makrogranja ere. Santa Klara uharteak (Donostia) eta Lamiako padurak ere Bandera Beltza jaso dute, kudeaketa txarragatik.
Plataforma ekologistak adierazi du "Urdaibaiko Guggenheimen proiektuaren hainbat gorabehera publiko izan dira. Kostaldeen Zuzendaritza Nagusiak zortasuna 100 metrotik 20ra murriztea baimendu du, gaur egun Muruetako ontziolak dauden lurretan museoa eraikitzea erraztuz".
Bestalde, ohartarazi dutenez, Getariako makrogranja eraikitzeak "300 hektarea baino gehiago izango ditu eta 100 metro inguruko sakonera izango du, eta horrek inpaktu handia eragingo du kokatuko den eremuan; izan ere, litekeena da instalazio horri beste batzuk jarraitzea datozen urteetan, horrela gure kostaldeko itsas ingurunearen degradazioa areagotuz".
Azkenik, Bandera Beltza eman diete Leioako Udalari, "kudeaketa txarragatik", "Lamiakoko padura osorik ez lehengoratzeagatik", eta Kostaldeei eta Portuko Agintaritzari, "baimentzeagatik".