Gizartea -
ISTRIPUA NAFARROAN
Kamioilari bat larri zauritu da Cortesen, geldirik zegoen beste kamioi batekin talka egin ondoren
Ezbeharra goizeko 06:00etan gertatu da, A-68 autobideko 116. kilometroan, Cortesen. Errepide horretako errei bat itxi behar izan dute, Tuterako noranzkoan.
EITB MEDIA
Kamioi-gidari bat larri zauritu da gaur goizean, A-68 errepideko 116. kilometroan geldirik zegoen kamioi batekin talka egin ondoren. Ezbeharra Cortesen gertatu da, goizeko 05:53ean.
Zauritutako kamioilaria 37 urteko zaragozar bat da, eta Tuterako ospitalera eraman dute, Foruzaingoak jakinarazi duenez.
Istripuaren ondorioz, autobiako errei bat itxi behar izan dute Tuterako noranzkoan.