Gizartea -
Istripua
23 urteko oinezko bat oso larri zauritu da Eneritzen, auto batek harrapatuta
Zauritua Nafarroako Unibertsitate Ospitalera eraman dute. Oinezkoa harrapatu ostean, ibilgailua patata-sail batera erori da, baina gidaria onik atera da. Negatibo eman du alkohola eta droga atzemateko proban.
EITB Media
23 urteko oinezko bat oso larri zauritu da igande honetan, 07:30ean, auto batek harrapatuta. Zauritutako gizonezkoa Nafarroako Unibertsitate Ospitalera eraman dute, Foruzaingoak jakinarazi duenez.
Oinezkoa harrapatu ondoren, autoa patata-sail batera erori da, baina gidaria onik atera da. Negatibo eman du alkohola eta droga atzemateko proban.
Foruzaingoaren patruilak, osasun-langileak eta suhiltzaileak bertaratu dira.