Gizartea -

Indarkeria matxista

Kanboko emakume bat taldean bortxatzeagatik atxilotutako hiru gizonei bihar arte luzatu diete atxiloaldia

Eraso matxista salatzeko elkarretaratzea deitu du Ipar Euskal Herriko Itaia talde feministak gaur arratsalderako (19:00), Kanboko herriko etxearen aurrean.

EITB MEDIA

Whatsapp Facebook Twitter Telegram Email

Kanboko (Lapurdi) emakume bati taldean sexu eraso egitea egotzita, atxilotutako hiru gizonei bihar arte luzatu diete atxiloaldia. Akizeko (Landak) polizia-etxean dituzte igandetik. 

Emakumeak salatu zuenez, hiru gizonek gela batean giltzapetu zuten, eta arma baten mehatxupean, eraso egin zioten. Antza, biktimak harremanetarako aplikazio baten bidez ezagutu zuen erasotzaileetako bat. Harekin elkartzean beste bi gizonak ere bertaratu ziren. Erasotzaileek lo hartu zutenean egin zuen ihes biktimak.  

Ipar Euskal Herriko Itaia talde feministak elkarretaratzea deitu du gaur arratsalderako (19:00). Kanboko herriko etxearen aurrean biltzeko deia egin dute talde feministatik. 

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Erlazionatutako edukiak

Hiru gizon atxilotu dituzte Kanboko emakume bati taldeko sexu erasoa egitea egotzita
Hau zure interesekoa bada, baliteke beste gai hauek ere izatea
Tratu txarrak gaur Iparraldea Gizartea bideoak Indarkeria matxista Eguneko albisteak Eguneko albisteak Matxismoa Eraso sexualak gaur Lapurdiko berriak