Gizartea -
Zibererasoak
Telefonica 120.000 bezero eta langileren datuei eragiten dien ustezko filtrazio bat ikertzen ari da
Zibergaizkileak ustez bere esku izango lituzkeen datuak ez dira sentikortzat jotzen den informazioa, ez baitira banku-kontuak edo posta elektronikoen pasahitzak.
AGENTZIAK | EITB Media
Telefonica ustezko zibergaizkile batek Interneteko hacker foro batean argitaratutako informazioaren legitimitatea ikertzen ari da. Horren arabera, konpainia ko 120.000 erabiltzaile eta langileren datuak lortu eta salmentan jarri ditu.
Testuinguru horretan, konpainiako iturriek jakitera eman dutenez, ustezko filtrazio hori eta informazioaren egiazkotasuna ikertzen ari dira. Datu horiek eskuratzea ahalbidetu zuen segurtasun-arrakala joan den martxoan eman zen, HackManac zibersegurtasun enpresak X sare sozialaren bidez jakinarazi duenez.
Telefonica egoera aztertzen ari da, ustezko zibergaizkilearen baieztapenak egiazkoak diren ala ez argitzeko, eta, segurtasun-arrakala hori benetan gertatu bada, kanpo-hornitzaile batekin zerikusia izan zuen argitzeko.
Zentzu horretan, zibergaizkileak ustez bere esku izango lituzkeen datuak ez dira sentikortzat jotzen den informazioa, ez baitira banku-kontuak edo posta elektronikoen pasahitzak.