Gizartea -

Unibertsitaterako sarbidea

Unibertsitatera sartzeko batez besteko nota 7,10ekoa izan zen EAEn eta 7,24koa Nafarroan, iaz

Ohiko deialdira aurkeztu ziren ikasleen artetik % 7,3k lortu zuten "bikain" bat Nafarroan eta % 4,5ek, berriz, EAEn.

Ikasleak, azterketa baten atarian. Artxiboko argazkia: EFE
Ikasleak, azterketa baten atarian
Ikasleak, azterketa baten atarian. Artxiboko argazkia: EFE

Agentziak | EiTB Media

Whatsapp Facebook Twitter Telegram Email

Euskal Autonomia Erkidegoko (EAE) ikasleek batez beste 7,10eko nota lortu zuten, iaz, unibertsitatera sartzeko proban, eta 7,24koa, Nafarroakoek. Estatuko gainerako lurraldeen zerrendan Nafarroa hirugarrena da eta EAE, berriz, zazpigarrena.

Aurtengo hautaprobak hasteko bi aste falta direnean, Espainiako Zientzia, Berrikuntza eta Unibertsitate Ministerioak iazko batez besteko notak argitaratu ditu. Batez besteko notarik altuena Kantabriako ikasleek lortu dute (7,4) eta baxuena, ostera, Balear uharteetakoek (6,3).

Batez beste, emakumeek gizonek baino kalifikazio altuagoa lortu zuten: 7,55 eta 7,29, hurrenez hurren.

Iaz Espainiako Estatuan unibertsitatera sartzeko probetara aurkeztu ziren ikasleetatik % 90,4k gainditu egin zuten.

Bestalde, proba gainditu zuten ikasleen artetik % 7,3k lortu zuten "bikain" bat Nafarroan eta % 4,5ek, berriz, EAEn.

Hau zure interesekoa bada, baliteke beste gai hauek ere izatea
EHU berriak EAE Deustuko Unibertsitatea Gizartea Eguneko albisteak Gaurko azken orduko albistea Hezkuntzako albisteak 2024 Mondragon Unibertsitatea Nafarroako Unibertsitatea bideoak Nafarroako Unibertsitate Publikoa