Hilik aurkitu dute, Erron, ostiraletik desagertua zegoen erromes frantsesa

Ostiraletik Orreaga inguruetan desagertutako 45 urteko erromes frantziarra hilda aurkitu dute astelehen honetan, Erron.

Auritzeko suhiltzaileek aurkitu dute Ezparrondo sakanean, 17:30ean, lur malkartsuan. 

Nafarroako Guardia Zibilaren Polizia Judizialaren Unitate Organikoa ari da gizonezkoaren heriotzaren arrazoiak ikertzen.

Jendarmeriak ostiralean jakinarazi zion Guardia Zibilari gizona ez zela familiarekin harremanetan jarri, eta haren bila hasi ziren Nafarroako suhiltzaileen laguntzarekin.

Guardia Zibilaren Herritarren Segurtasunerako agenteak, erromesei arreta emateko bulego mugikorretako kideak, mendiko erreskate eta esku-hartze taldea, Seprona, helikoptero bat eta droneak zeramatzan Pegaso taldea, Nafarroako suhiltzaileak eta Foruzaingoak hartu dute parte bilaketa-dispositiboan.