Gizartea -
Nafarroa
56 urteko gizon bat adarkatu du Los Arcosen ibilbidetik ihes egin duen zezen batek
Zezenak hesiaren kontra egin du, eta, altxatu eta gero, ibilbidetik atera da eta ikusleetako bat adarkatu du. Zauritua ospitalera eraman dute.
Agentziak | EITB Media
56 urteko gizon bat adarkatu du gaur Los Arcosen ibilbidetik ihes egin duen zezen batek.
Asteburu honetan San Gregorio jaiak ospatzen ari dira bertan, eta larunbat arratsaldean, ohi baino ibilbide txikiagoan zebilen zezenak hesiaren kontra egin du, eta altxatu eta gero, ibilbidetik atera da eta ikusleetako bat adarkatu du.
Gizona hesiaren beste aldetik ari zen ikuskizunari begira, baina zezenak ipurmasailean adarkatu du, hesia altxatuta ibilbidetik atera denean. Zauritua ospitalera eraman dute.
Beste pertsona batzuk arin zauritu dira, baina ez adarkadaz. Zezen bakarra askatzen dute bertan, eta bi gazteren artean bideratu dute zezena ibilbidera.