Gizartea -
Sutea
Gasteizko Olarizu auzoan lau auto erre dituen sua zerk eragin zuen ikertzen ari da Udaltzaingoa
Sua 21:40an piztu zen Jose Luis Isusi kalean eta Gasteizko Suhiltzaileak, Udaltzaingoa eta Ertzaintza bertaratu dira. Egoki aparkatuta zeuden lau kotxe dira erretakoak, eta ez da bestelako kalte pertsonalik izan.
EITB Media
Bart Gasteizko Olarizu auzoan lau auto erre dituen sutea zerk eragin ote duen ikertzen ari da Gasteizko Udaltzaingoa.
Sua 21:40an piztu zen Jose Luis Isusi kalean eta Gasteizko Suhiltzaileak, Udaltzaingoa eta Ertzaintza bertaratu dira, sua itzali eta inguruan segurtasuna bermatzera.
Segurtasun Sailaren arabera, egoki aparkatuta zeuden lau kotxe dira erretakoak.
Zorionez, kalte materialez aparte, ez da inongo kalte pertsonalik izan.