42 urteko zumaiar bat hilda aurkitu dute Getariako uretan

42 urteko gizon zumaiar baten hilotza topatu dute gaur Getariako itsasoan, Eusko Jaurlaritzako Segurtasun Sailak baieztatu duenez.

Guardia Zibilak zehaztu duenez, gizona denboralearen biktima izan da. Guardia Zibileko iturrien arabera, hildakoaren ibilgailua kostaldetik gertu aurkitu dute, eta hipotesi nagusia da itsasora hurbildu dela olatuak ikusteko, eta olaturen batek eraman duela edo uretara erori dela.

Gorpua 17:00 inguru ikusi dute, San Prudentzio parean, eta Gurutze Gorriak jaso egin du handik gutxira.

Guardia Zibilak hartu du bere gain ikerketa, eta hildakoa identifikatzeko lanean ari da.