Lehen orduko trafiko arazoak konponduta, zirkulazioa bere onera itzuli da N-1 errepidean

Adunan eta Iruran bi istripu izan dira goizean, eta Donostiarako zein Gasteizerako noranzkoetan 6 kilometrorainoko auto ilarak sortu dira bi ezbehar horien ondorioz.

Istripua Villabonan — N-1 errepidean izandako bi istripuk auto-ilara luzeak eragin dituzte gaur goizean

EITB MEDIA

publikatuta: 2023/12/20 08:39 (UTC+1)

azken eguneratzea: 2023/12/20 11:12 (UTC+1)

Trafiko arazoak izan dira goizetik N-1 errepidean, Adunan eta Iruran gertatu diren bi istripuren ondotik.

Lehenengo ezbeharrean, hamar ibilgailuk egin dute talka, 44. kilometroan, Adunan, eta Donostiarako noranzkoan. Inor ez da larri zauritu, baina istripuaren ondorioz 6 kilometrorainoko auto ilarak sortu dira.

Segurtasun Sailak eitb.eus-i jakinarazi dionez, ordu honetan (09:40) ibilgailuak arazorik gabe ari dira zirkulatzen.

Bigarren istripua, berriz, Iruran izan da, Gasteizerako noranzkoan. 6 kilometroko ilarak eragin ditu, eta ez da inor larri zauritu, nahiz eta pertsona bat ospitalera eraman behar izan duten, aipatu iturriaren arabera.

Hau zure interesekoa bada, baliteke beste gai hauek ere izatea

Trafiko Istripuak Trafikoa Gipuzkoa Tolosa Gizartea Eguneko albisteak Villabona Albisteak N-1

Lehen orduko trafiko arazoak konponduta, zirkulazioa bere onera itzuli da N-1 errepidean

Esteka kopiatuta