Gizartea -

Gipuzkoa

Oñati munduko herri turistikorik onenetakoa izendatu dute aurten

Gipuzkoako udalerria Munduko Turismo Erakundearen 2023ko Herri Turistiko Onenen zerrendan sartu da. 2021ean, besteak beste, Lekunberri ere sartu zen zerrendan.

Oñati, artxiboko irudian. Argazkia: Gurutze Azcarate
Oñati, artxiboko irudian. Argazkia: Gurutze Azcarate
Oñati, artxiboko irudian. Argazkia: Gurutze Azcarate

EITB MEDIA

Whatsapp Facebook Twitter Telegram Email

Oñati (Gipuzkoa), Sigüenza (Guadalajara) eta Cantavieja (Teruel) Munduko Turismo Erakundearen 2023ko Herri Turistiko Onenen zerrendan sartu dira.

Horrela, 2021etik zigilu hori zuten Espainiako Estatuko bost herriekin bat egingo dute: Lekunberri (Nafarroa), Morella (Castelló), Rupit (Girona), Alquézar (Huesca) eta Guadalupe (Caceres).

Hirugarren edizio honetarako, Munduko Turismo Erakundeak 260 hautagaitza baino gehiago jaso ditu, baina mundu osoko 54k bakarrik gainditu dituzte nazioarteko ekimen honetan parte hartzeko baldintzak.

Mundu osoko udalerriak aintzat hartzen dituen zerrenda da, landa-eremuko turismo-helmuga izateko eredu direnak, balio kulturalak, naturalak, produktuak eta landa-bizimoduaren berri emateagatik.

Hau zure interesekoa bada, baliteke beste gai hauek ere izatea
Gipuzkoa Turismoa Euskadi albisteak Gizartea Eguneko albisteak Oñati Albisteak Debagoiena eskualdea