Gizartea -
Rubiales auzia
Euskadiko Futbol Federakundea ez da Espainiako Federazioak antolatutako biharko batzarrera joango
Komunikatu ofizial baten bitartez, EFF-k ofizial egin du ez duela Espainiako Federazioak antolatutako batzarrean parterik hartuko. Era berean, Gipuzkoako eta Arabako Federazioek ere uko egin diote gonbidapenari.
EITB MEDIA
Euskadiko Futbol Federakundeak (FVF-EFF) Espainiako Federazioak biharko antolatutako premiazko batzarrera joango ez dela ofizial egin du, komunikatu baten bitartez. Era berean, Gipuzkoako eta Arabako Federazioek ere uko egin diote Espainiako Federazioak antolatutako batzarrera joateko gonbidapenari.
"Munduko Txapelketako finaleko sari banaketan gertatutakoaren larritasuna dela eta, eta ondorengo gertaeren kudeaketa ikusita, Euskadiko Futbol Federakundea ez da joango Espainiako Futbol Federazioaren batzarrera", adierazi du Federakundeak.
Hori dela eta, hurrengo egunetan gertatzen denaren arabera, presidenteak Federazioaren Zuzendaritza Batzordean jarraituko duen ala ez erabakiko dela gaineratu du.
Gipuzkoak eta Arabak ere, uko
Gipuzkoako Futbol Federazioak (FGF-GFF) eta Arabako Futbol Federakundea (FAF-AFF) ere uko egin diote batzarrera joateko gonbidapenari. Gipuzkoarrak bere komunikatuan azaldu duenez, Federazioak ez baitu Espainiako Futbol Federazioaren Batzarrean boto emateko eskubiderik.
Euskadikoak esan bezala, biek gertatutakoaren arabera hartuko dute presidentea erakundean jarraitu edo ez jarraitzearen erabakia.
