Gizartea -
IZENBURU NAGUSIAK
Albiste izango dira: Hezkuntza Legea, Madrilgo sutearen azken ordukoa eta greba itunpeko ikastetxeetan
Gaurkoan albiste izango direnen laburpena, hitz bitan.
EITB MEDIA
Honako gai hauek hartuko dituzte gaur, apirilak 25, hedabideetako lerroburu nagusiak:
- Hezkuntza Legea: Eusko Jaurlaritzak gaur onartuko du Hezkuntza Legearen aurreproiektua, gobernu bileran, Eusko Legebiltzarreko gehiengo zabalak itun historikoa adostu eta urtebetera.
- Madrilgo sutearen azken ordukoa: Polizia Zientifikoa ikertzen ari da ostiralean Madrilen erre zen jatetxearen dekorazioa osatzen zuten materialek sugarrak lokaletik hedatzea bizkortu ote zuten. Jatetxeko sabaiaren eta hormen zati handi bat estaltzen zuten landare artifizialak alanbrezko sare bati zeuden lotuak, eta uste da sare hori behera etorri zela mahaikide eta langileak harrapatuta. Halaber, sutean zauritutako 40 urteko bizkaitarrak larri jarraitzen du.
- Greba itunpeko ikastetxeetan: ELA, Steilas, CCOO, LAB eta UGT sindikatuek greba eguna dute gaur gizarte ekimeneko ikastetxeetan, lan-hitzarmenaren negoziazioa "blokeatuta" dagoela salatzeko.