Gizartea -
Sexu erasoa
Epaileak aske utzi du Gurutzetako Ospitalean emakume bati sexu erasoa egitea egotzita atxilotutako gizona
Atxilotua Psikiatrian ingresatuta dagoen gaztea da, eta sexu askatasunaren kontrako delitua leporatu diote. Epaileak libre utzi arren, Ertzaintzak ikerketa zabalik du gertaturikoa argitzeko.
EITB Media
Epaileak aske utzi du Gurutzetako Ospitalean emakume bati sexu erasoa egitea egotzita Ertzaintzak igandean atxilotu zuen gizona.
Atxilotua Psikiatrian ingresatuta dagoen gizon gazte bat da, eta sexu askatasunaren kontrako delitua leporatu diote.
EFE albiste agentziak zabaldutakoaren arabera, biktima Barakaldoko ospitalean ingresatuta dagoen emakume bat da. Haren familiak jarri zuen salaketa.
Atzo epailearen aurretik pasatu ostean libre geratu bada ere, Ertzaintzak ikerketa zabalik du gertaturikoa argitzeko.