Gizartea -

Lapurdi

Ikastetxeek minutu bateko isilunea egingo dute gaur Donibane Lohizunen eraildako irakaslearen omenez

Frantziako Estatuko ikastetxe guztiek minutu bateko isilunea egingo dute 15:00etan. Gainera, Jerome Bourrier Baionako fiskalak ikerketaren xehetasun gehiago emango ditu gaur, osteguna.

San Tomas Akinokoa lizeoa, Donibane Lohizunen (Lapurdi). Argazkia: EFE
San Tomas Akinokoa lizeoa, Donibane Lohizunen (Lapurdi). Argazkia: EFE
San Tomas Akinokoa lizeoa, Donibane Lohizunen (Lapurdi). Argazkia: EFE

EITB Media

Whatsapp Facebook Twitter Telegram Email

16 urteko ikasle batek labanaz sastatu zuen atzo, asteazkena, Donibane Lohizuneko (Lapurdi) lizeo pribatu batean 50 urte inguruko bere gaztelerazko irakaslea. Gaur, osteguna, minutu bateko isilunea egingo dute Frantziako Estatuko ikastetxe guztietan, 15:00etan.

Bestalde, Jerome Bourrier Baionako fiskalak ikerketaren xehetasun gehiago emango ditu gaur, osteguna. Atzo ikerketa ireki zuen, hilketagatik.

Jérôme Bourrier, Baionako fiskala: '16 urteko ikaslea hilketagatik inputatu dute'
Jérôme Bourrier, Baionako fiskala: '16 urteko ikaslea hilketagatik inputatu dute'
Jérôme Bourrier, Baionako fiskala: '16 urteko ikaslea hilketagatik inputatu dute'

0:22

Gertakariak 10:00ak baino lehentxeago jazo ziren irakaskuntza katolikoko ikastetxe pribatu batean, San Tomas Akinokoa lizeoan. Eskola erdian, ikaslea (arazo psikiatrikoak omen ditu) altxatu egin zen, gelako atea giltzaz itxi zuen eta arbelaren ondoan zegoen irakaslearengana joan zen.

Ikasleen testigantzen arabera, paper artean ezkutatuta zuen 10 zentimetro inguruko objektu zorrotz bat atera zuen eta sabelean sartu zion.

Donibane Lohizuneko lizeoko gertakariaren lekuko batek une hori nola bizi izan duen kontatu digu
Donibane Lohizuneko lizeoko gertakariaren lekuko batek une hori nola bizi izan duen kontatu digu
Donibane Lohizuneko lizeoko gertakariaren lekuko batek une hori nola bizi izan duen kontatu digu

0:48

Gainerako ikasleak gelatik ihes egiten saiatu ziren, egilea inguruan babesten zen bitartean. Beste irakasle batek arma odoleztatua emateko konbentzitu zuen. Jendarmeak iritsi aurretik, nerabeak irakasle horri azaldu zion ahotsak entzun zituelako egin ziola eraso.

Hiltzailea atxilotu, eta Jendarmeriaren egoitzara eraman zuten. BFMTV katearen arabera, gazteak nota onak zituen, ez zen bereziki problematikoa eta ez zuen aurrekaririk.

Emmanuel Macron, Frantziako Gobernuko presidentea, minduta agertu zen atzo hilketagatik. Frantziako Gobernuko bozeramaileak, Olivier Veranek, mezu bat bidali zion "hezkuntza komunitate osoari". Era berean, Pape Ndiaye Hezkuntza ministroa gertakariak izan ziren lekura joan zen, eta kaltetutako guztiei elkartasuna adierazi zien.

Pap Ndiaye Hezkuntza ministroa: 'Ez dugu ondorio azkarrik atera behar. Zer gertatu den ikertzen ari dira'
Pap Ndiaye Hezkuntza ministroa: 'Ez dugu ondorio azkarrik atera behar. Zer gertatu den ikertzen ari dira'
Pap Ndiaye Hezkuntza ministroa: 'Ez dugu ondorio azkarrik atera behar. Zer gertatu den ikertzen ari dira'

0:59
Hau zure interesekoa bada, baliteke beste gai hauek ere izatea
Iparraldea Frantzia Gizartea Eguneko albisteak Albisteak Hezkuntza Erailketak Lapurdi Irakasleak