Gizartea -

gipuzkoa

61 urteko gizon bat helikopteroz erreskatatu dute Txindoki mendian, lubeta batetik behera erori ostean

Zaurituak hainbat kolpe zituen erorikoaren ondorioz, baina ez ziren larriak.

agentziak | eitb media

Whatsapp Facebook Twitter Telegram Email

61 urteko gizon bat erreskatatu du Ertzaintzaren helikopteroak Txindoki mendian, Aralar mendilerroan, lubeta batetik behera erorita.

Segurtasun Sailak jakitera eman duenez, Larrialdi Zerbitzuek abisu bat jaso dute larunbat honetako 12:45ak aldera, mendizale bat hamar metroko lubeta batetik erori dela ohartarazteko.

Gipuzkoako suhiltzaileak bertaratu dira, baita Zaintza eta Erreskate Unitateko lurreko talde bat, mendiko helikoptero bat eta Ertzaintzaren Herritarren Segurtasunerako talde bat ere. Bertan, zaurituak erorikoaren ondorioz hainbat kolpe zituela egiaztatu dute, baina ez zirudien larriak zirenik.

Azkenik, Ertzaintzaren helikopteroak lubetatik atera eta leku seguru batera eraman du. Bertan, Osakidetzako anbulantzia bat zain zegoen, ospitalera eramateko.

Hau zure interesekoa bada, baliteke beste gai hauek ere izatea
Ertzaintza Gipuzkoako albisteak Euskal Autonomia Erkidegoa albisteak Gizartea bideoak Gaurko titularrak Eguneko albisteak Mendizaleen istripuak Mendi eta trekking albisteak Aralar mendilerroa