Gizartea -

harrapaketa

Estela Dominguez Sopela Team txirrindularitza taldeko ziklista hil da, kamioi batek harrapatuta

Harrapaketa atzo arratsaldean gertatu zen, Salamancan, 19 urteko txirrindularia N-620 errepidean entrenatzen ari zela.

Estela Dominguez. Argazkia: @SopelaTeam
Dominguez, Sopela Women's Team-ek partekatuko argazkian.
Estela Dominguez. Argazkia: @SopelaTeam

Agentziak | EITB Media

Whatsapp Facebook Twitter Telegram Email

Estela Dominguez Sopela Women's Team (Bizkaia) txirrindularitza taldeko ziklista hil zen atzo arratsaldean, kamioi batek harrapatuta, 112 larrialdi zerbitzuetako iturriek jakinarazi dutenez.

19 urteko txirrindularia, sortzez Valladolidekoa eta Juan Carlos Dominguez txirrindulari profesionalaren alaba, Salamancan entrenatzen ari zen, N-620 errepidean kamioi batek harrapatu zuenean.  

Ezbeharra 18:30 aldera jazo zen, Villares de la Reina industriagunetik gertu. Istripua izan zen tokian bertan zendu zen, eta bertaratutako osasun zerbitzuek heriotza baieztatu baino ezin izan zuten egin. 

Bizkaiko emakumezkoen txirrindularitza taldeak Dominguezen heriotza deitoratu du Twitterren duen kontuaren bidez, eta senitartekoei doluminak eman dizkie: 

Hau zure interesekoa bada, baliteke beste gai hauek ere izatea
Trafiko Istripuak Kirolak Txirrindularitza Sopela Bizkaia Gizartea Eguneko albisteak Albisteak Emakumeen kirola Trafiko-istripu hilgarriak