Gizartea -
Astearte arratsaldean
Gizon baten gorpua aurkitu dute Legutioko urtegian
Ertzaintzak 14:00ak aldera jaso du abisua. Autopsiak zehaztuko du heriotzaren arrazoia, baina, lehen ikerketen arabera, ez omen dago indarkeria zantzurik.
EITB MEDIA
Ertzaintzak gizon baten gorpua topatu du astearte arratsaldean Legutioko urtegian, Ertzaintzak berak eitb.eus-i baieztatu dionez. Autopsiak zehaztu beharko du heriotzaren arrazoia, baina, lehen ikerketen arabera, ez omen dago indarkeria zantzurik, Radio Euskadik jakin ahal izan duenez.
Partikular batzuek eman diote abisua Ertzaintzari, 14:00ak aldera, eta, jarraian, larrialdietako beharginak eta osasun langileak bertaratu dira, baina soilik gizonaren heriotza egiaztatu ahal izan dute.
Gorpuari autopsia egingo diote, eta orduan argituko dute zergatik hil den.