2021etik covid-19ak EAEn izan duen intzidentzia tasa txikiena jaso zen joan den astean

Nabarmen egin du behera covid-19aren 14 eguneko intzidentzia metatuaren tasak azken astebetean EAEn: 100.000 biztanleko 65,6 kasu zenbatu ziren, 2021etik kopururik baxuena. Orotara, 547 koronabirus kasu atzeman dira Araban, Bizkaian eta Gipuzkoan, aurreko asteko datuekin alderatuta, 20 gutxiago.

2023ko urtarrilaren 2tik 8rako asteari dagozkion covid-19aren datuak kaleratu ditu, gaur, Eusko Jaurlaritzaren Osasun Sailak, eta bertan jasotzen denez, koronabirusak eragindako hildakoen kopuruak ere behera egin du azken astebetean, 17tik 11ra, eta covid-19agatik ospitaleratutakoen kopurua ere jaitsi egin da, 165etik 150era. ZIUn ingresatuta daudenen kopurua da gora egin duen adierazle bakanetakoa, 11tik 15era.

Azken zazpi egunotan positibo eman dutenen artean, 368 kasu 60 urtetik gorakoak dira.