Gizartea -
Gertakaria
Gizon bat hil da Bilboko Atxuri auzoan piztutako sute batean kea arnastuta
Sutea oraindik argitzeke dauden arrazoiengatik gertatu da Enkarnazio plazan. Gizona bakarrik zegoen bere etxebizitzan.
Agentziak | EITB Media
61 urteko gizon bat hil da Enkarnazio plazako etxebizitza batean piztutako sute batean kea arnastuta, Ertzaintzak jakinarazi duenez.
Gizona bakarrik zegoen bere etxebizitzan, eta, beraz, ez dago biktima gehiagorik. Eroski supermerkatu baten gainean dagoen eraikin bateko laugarren solairuan izan da, Enkarnazio plazan, Atxuri auzoan (Bilbo).
Sutea oraindik argitzeke dauden arrazoiek eragin dute.