Gernika-Lumok emakume baserritarra omenduko du eskultura batekin

Gernika-Lumoko Udalak eskultura bat ezarri du emakume baserritarra omentzeko, emakume horiek baitira tradizioz merkatura joaten zirenak eta oraindik ere joaten direnak.

Herriko astelehenetako plazako salmahaietan zeuden emakumeen irudiaren adierazle da figura. Postuetako baten parean ipiniko dute, barazki eta fruta zaku eta saskiekin; balantza eta deskantsurako aulkia barne.

'Emakume Baserritarra', hala izendatuko baitute eskultura, brontzezkoa izango da, eta sei metro karratuko azalera gaituko dute hori instalatzeko. Domingo Alegria Plazan egongo da ikusgai, abendu honetatik aurrera.

Oso aspaldikoak dira Gernika-Lumoko azokak, eta 1366ko Hiri Gutun batean ageri dira jasota. Bertan adierazi zenez, herri honek bakarrik izango zuen asteroko azoka, eta hark bakarrik antolatu ahal izango zituen nekazaritza eta abeltzaintza azokak.

Baserriko emakumeak hartu izan du betidanik merkatuko salmenta postuaren ardura. Hori dela eta, horren figuraren omenez, Plazako sarbide nagusiaren parean ezarriko dute eskultura.