Gizartea -
gertakaria
Gerra Zibileko obus bat neutralizatu dute Elgetan
Zonaldean zuhaitzak mozten ari ziren langile batzuk aurkitu zuten. Ertzaintzaren Lehergailuak Indargabetzeko Unitateko kideek modu kontrolatuan leherrarazi dute.
eitb media
Ertzaintzako Lehergailuak Indargabetzeko Unitateko kideek Gerra Zibileko obus bat neutralizatu eta modu kontrolatuan leherrarazi dute. Elgetako (Gipuzkoa) Egotxeaga auzoan zuhaitzak mozten ari ziren langile batzuek aurkitu zuten atzo, asteazkena, obusa.
Gertakariaren berri izan bezain laster bertaratu zen Ertzaintza lekura. Tramankulua aztertu ostean, Gerra Zibileko obus bat zela hauteman zuten. Agenteek Berroziko (Araba) basera eraman, eta modu kontrolatuan eztandarazi zuten.