Gizartea -
BASO SUTEAK
Gazte bat atxilotu dute Eibarko pinudi batean piztutako sutea eragitea leporatuta
Matxaria auzoan piztu da sua, hainbat baserri dauden inguru batean, arratsaldeko lehen orduan. Gutxienez bi baserri hustu behar izan dituzte. Sutea kontrolpean dute, eta laster itzaltzea espero dute.
EITB MEDIA
Gazte bat atxilotu dute Eibarko pinudi batean piztutako sutea eragitea leporatuta, EITB Mediak jakin ahal izan duenez. Sutea kontrolpean dute, eta laster itzaltzea espero dute.
Arratsaldeko 16:30etik aurrera, buru belarri aritu dira suhiltzaileak lanean Eibarko Matxaria auzoko pinudietan piztutako sutea itzaltzeko, Eusko Jaurlaritzako Segurtasun Sailak jakinarazi duenez.
Hainbat baserrien artean dago sutea piztu den pinudia, eta badaezpada ere, sutetik gertu dauden gutxienez bi baserritako bizilagunak atera egin dituzte.
Ertzaintzak ikerketa ireki du sutea nondik nora piztu den argitzeko.