Albiste izango dira: Suteen aurkako murrizketak, euskal selekzioak eta Trans Legea

Honako gai hauek hartuko dituzte gaur, urriak 26, hedabideetako lerroburu nagusiak:

- Suteen aurkako murrizketak: Eusko Jaurlaritzak murrizketak eta debekuak ezarriko ditu berriz gaur gauerditik baso suteak saihesteko, EITB Mediak jakin izan duenez.

- Euskal selekzioak: Pilotako, surfeko eta, adostutakoaren arabera, "sustraitze historiko eta sozialeko" beste kirol batzuetako euskal selekzioak ofizialki lehiatu ahalko dira nazioarte mailan, Diputatuen Kongresuan Kirolaren Legea onartzen dutenean.

- Trans Legea: Hirugarren aldiz, Trans Legeari zuzenketak aurkezteko epea luzatzea eskatu du PSOEk, eta gaur Kongresuko Mahaiak erabakia hartuko du horren inguruan. Gobernukide duen Unidas Podemosen haserrea eragin du beste behin erabakiak.