Gizartea -
Bahiketa ospitalean
Bahituaren aitak eskertu egin du haurtxoa bere etxeko atean jaso zuen emakumearen "keinu izugarria"
"Zu bezalako pertsonek aitortza merezi dute eta zurekin egongo gara laster", agindu du Pedro Castrok. Mezuan, herritar guztien, Ertzaintzaren eta Osakidetzako langileen lana eskertu du.
EITB Media
Asteazken gauean Basurtuko Ospitalean bahitutako haurtxoaren aitak herritarren, Ertzaintzaren eta Osakidetzaren lana eskertu du, baina, batez ere, umetxoa bere etxeko atean hartu zuen emakumeari, Alicia Lopezi, eskerrak eman dizkio.
"Zu bezalako pertsonek aitortza merezi dute, eta zurekin egongo gara laster, gurekin izan duzun keinu izugarria eskertzeko", idatzi du Pedro Castrok sare sozialetan zabaldutako mezu batean.
"Gaurtik aurrera Aimarrek bi urtebetetze ditu, bata 18an eta bestea urriaren 20an", gaineratu du.
Azkenik, bahituaren gurasoak onartu du "gure bizitzako ordurik txarrenak" izan direla, baina pozik agertu da, azkenean, alaba anaiari aurkeztu ahal izateagatik.
"Eskerrik asko bihotzez", amaitu du.
