Giza zeluletatik eratorritako "minigarunak" ezarri dizkiete arratoi jaioberriei, jokaerari eraginda

"Organoideak" zelula ametatik eratorritako hiru dimentsioko egitura oso txikiak dira; organoen funtzioa imitatzen dute, eta gakoa izan litezke gaitzak ikertzeko. Orain, zientzialariek lortu dute ezartzea giza ehun zerebral hori arratoi batzuen garunean, aurretiko zenbait muga gaindituta, eta animalien jokaerari eraginda.

Metodo berriaren gaineko deskribapena Nature aldizkarian argitaratu dute. Artikuluan, egileek zehaztuta dute giza zelula ametatik eratorritako ehun zerebrala arratoi jaioberri batzuen garunean integratu ahal izan dutela, jokaerari eraginda. Aurkikuntza horien bidez, giza gaixotasun neuropsikiatrikoen eredu errealista ekoizteko gaitasuna hobe lezakete.

Garuneko organoideak aukerak ematen omen dituzte giza garapena eta gaixotasunak moldatzeko; gorputzetik kanpo sortutako organoideek, baina, ez dute benetako organismoek duten konektibitatea. Horrek zahartzapena murriztu egiten die, eta saihesten die jokaera kontrolatzen duten beste zirkuitu neuronalekin integratzea. Hortaz, mugatu egiten die organoideei ahalmena gaitz neuropsikiatrikoak moldatzeko, baldin eta genetikoki konplexuak eta jokaerak zehaztuta badira.

Aurreko ikerketa batzuetan, saiatu dira garuneko organoideak arratoi helduetan, baina zelulak ez ziren zahartu modu arrakastatsuan. Orain, Stanford Unibertsitateko talde batek (Kalifornian dago) arratoi jaioberriei ezartzea lortu du, garuneko eremu batean; hain zuzen ere, gorputz osoko informazio sentsoriala, ukimena kasu, jaso eta prozesatzen duen gunean.