Gizartea -
Desagertua
Aurkitu dute Bilboko Artxanda inguruan galdu zen emakumea
Behatokiaren azpialdean aurkitu dute 87 urteko emakumea. Anbulantzia batek artatu behar izan du kolpeak zituelako.
agentziak | eitb media
Larrialdi zerbitzuek aurkitu dute Bilboko Artxanda inguruan desagertuta zegoen 87 urteko emakumea. Artxandako behatokiaren azpialdean aurkitu dute, Segurtasun Sailak baieztatu duenez, eta kolpeak zituenez, anbulantzia batek artatu behar izan du.
Atzoko 21:00ak aldera hasi ziren bilaketa lanak, Artxandan bertan dagoen zahar-egoitza batean 87 urteko egoiliar bat falta zela ohartarazi ostean.
Goizaldean ez dute etenik izan bilaketa lanek, eta gaur goizean ere, horretan jarraitu dute Ertzaintzak, Udaltzaingoak, Gurutze Gorriak eta DYAk, goizeko hamarrak baino lehentxeago aurkitu duten arte.