Gizartea -
eraso matxista
Sei gizon atxilotu dituzte Bartzelonan, emakume bati taldean sexu erasoa egiteagatik
Emakumeak salaketa aurkeztu du Mossoen aurrean, eta horiek ikerketa ireki dute, atxilotuetako bakoitzak sexu erasoan jokatutako rola zehazteko.
agentziak | eitb media
Sei gizon atxilotu dituzte Bartzelonan, emakume bati sexu erasoa egitea egotzita. Izan ere, Mossoen aurrean salaketa aurkeztu du biktimak larunbat honetan.
El Periodico hedabideak aurreratu duenez eta Mossoek EFE agentziari baieztatu diotenez, ostegunetik ostiralerako gauean izan zen erasoa, Barceloneta auzoan.
Bartzelonako Clinic ospitalean artatu zuten emakumea hasieran alkohol-intoxikazioagatik baina ostiralean, orduak igaro ahala, jasandako erasoa gogoratu zuen pixkanaka.
Aipatu iturrien arabera, Mossoek kasuari buruzko ikerketa ireki dute, atxilotuetako bakoitzak sexu erasoan jokatutako rola zehazteko.