Iruñeko motor-gidari bat hil da Izaban izandako istripuan

40 urteko Iruñeko motor-gidaria hil da eguerdian Izaban, Juanpito Bentatik gertu, kotxe batekin izandako istripuan.

13:08ak aldera, motorrak eta autoak aurrez aurre jo dute NA-137 errepideko 48. kilometroan, Nafarroako Gobernuak eta Guardia Zibilak jakitera eman dutenez.

Istripua izan eta berehala bertaratu da Izabako Lehen Arretako mediku taldea motor-gidaria artatzera, baina ezin izan dute ezer egin eta bertan hil da gizona.

Guardia Zibilaren Trafikoko agenteek bere gain hartu dute istripua nola gertatu den argitzeko ikerketa.