Hil egin da Bertizarananako trafiko istripuan larri zauritutako 70 urteko emakumea

Bertizaranan (Nafarroa) atzo izandako zirkulazio-istripu batean oso larri zauritu zen 70 urteko emakumea hil da azken orduetan Nafarroako ospitalean. Hildakoa Sunbillakoko bizilaguna zen.

Hiru autok talka egin zuten atzo, 11:37an, NA-1210 errepidean, Bertizaranan.

Narbarteko noranzkoan zihoan ibilgailu batek geldi zegoen beste bat jo zuen eta, ondorioz, bigarren autoko gidaria larri zauritu zen. Nafarroako Unibertsitate Ospitalera eraman behar izan zuten helikopteroan.

Hirugarren ibilgailuko gidaria onik atera zen. Lehen ibilgailuko gidaria, ostera, Doneztebeko osasun zentrora eraman zuten nerbioak jota.

Aurten, Nafarroan izan diren trafiko istripuetan hil den hamargarren pertsona da.