Foruzain bat atxilotu dute Martzillan bikotekide ohiaren mutil-lagunaren autoari su emateagatik

Eskolta lanetan aritzen den 55 urteko gizona aske utzi dute, baina datozen egunetan deklaratuko du Tafallako Instrukzio Epaitegian.

Suhiltzaile bat ibilgailu batean piztutako sutea itzaltzen, Martzillan — Martzillan Foruzain bat atxilotu dute bere bikotekide ohiaren mutil lagunaren autoari su ematea leporatuta

EITB MEDIA

publikatuta: 2022/04/29 07:30 (UTC+2)

azken eguneratzea: 2022/04/29 17:00 (UTC+2)

Foruzain bat atxilotu dute aste honetan Martzillan bikotekide ohiaren mutil-lagunaren autoari su emateagatik, Foruzaingoak ostiral honetan jakinarazi duenez. 55 urteko gizona eskolta lanetan aritzen zen. Aske utzi dute, baina datozen orduetan joan beharko du epailearen aurrera.

Antza denez, duela astebete su eman zion bere bikotekide ohiaren mutil-lagunaren autoari, eta haren ondoan aparkatuta zeuden beste ibilgailu batzuk ere kiskali ziren. Azkoiengo suhiltzaileek itzali zituzten garrak.

Kalteak jasan zituen autoetako baten jabeak salaketa jarri zuen, eta ikerketak argitu du atxilotutako foruzaina izan zela sua piztu zuena.

Aske utzi dute, baina datozen egunetan deklaratuko du Tafallako instrukzio epailearen aurrean.

Hau zure interesekoa bada, baliteke beste gai hauek ere izatea

Nafarroako albisteak Delituak Gizartea Eguneko albisteak Albisteak Nafarroako Foru Polizia

Foruzain bat atxilotu dute Martzillan bikotekide ohiaren mutil-lagunaren autoari su emateagatik

Esteka kopiatuta