Gizartea -
nafarroa
Sutea izan da Barañainen, eta eraikina hustu behar izan dute
Gainkarga batek eragindako zirkuitulaburrak piztu du sua, antza. Ez da zauriturik izan, baina eraikineko bizilagunak bertatik atera dituzte, aldi baterako.
agentziak | eitb media
Sutea izan da larunbat goizaldean Barañaingo Etorbide Zentralean. Ez da zauriturik izan, baina etxebizitza-blokeko bizilagunak atera behar izan dituzte.
Barañaingo Udaltzaingoak jakinarazi duenez, Etorbide Zentraleko 20 zenbakiko lehen pisuan hasi da sutea. Une horretan, ez zen inor etxean.
Antza, gainkarga batek eragindako zirkuitulaburrak piztu du sua, suhiltzaileek adierazi dutenez.
Suak piztu den logela kaltetu du lehendabizi, eta keak etxebizitzako gainerako gelei eragin die gero. Badaezpada, bloketik atera dituzte bizilagunak. Poliziaren arabera, laster itzuliko ahal izango dira euren etxebizitzetara.
Bi suhiltzaile-kamioi, anbulantzia bat eta Barañaingo Udaltzaingoa bertaratu dira tokira.