Bi emakume zauritu dituzte arma zuriz Baionako etxebizitza batean

64 eta 28 urteko bi emakume arma zuriz zauritu dituzte, bart, Baionako etxebizitza batean. EITB Mediak jakin duenez, erasotzaileak bi emakumeak laban batekin zauritu ditu  eta ihes egin du.

Emakumeak Bordeleko Pellegrin ospitalera eraman dituzte, eta oraingoz, ez dute haien osasun egoeraren berri jakinarazi. 

Polizia judizialak ikerketa bat abiatu du gertakaria argitzeko asmoz, eta erasotzailearen bila ari dira.