Gizartea -
Migrazio-krisia
Porturatu da "Aita Mari" itsasontzia Lampedusan
17:00ak aldera hasi da itsasontzia lehorreratze maniobrak egiten. Migratzaileak osasuntsu daude, baina horietako 23k positibo eman dute covid testean.
eitb media
"Aita Mari" ontzia lehorreratu da, jada, Lampedusako portuan. Migratzaileak ontzitik atera dira, haurrak eta emakumeak lehenik.
Arratsaldean jakinarazi du itsasontzia zeraman Itsas Salbamendu Humanitarioa gobernuz kanpoko erakundeak Italiako agintariek 176 migratzaileak Lampedusan lehorreratzeko baimena eman diotela "Aita Mari"-ri. Iturri horien arabera, albistea "oso pozik" hartu dute ontzian. Ondoren, 17:00ak aldera hasi da itsasontzia lehorreratzeko maniobrak egiten.
Izaskun Arriaran gobernuz kanpoko erakunde horren presidenteak atzo bideo batean azaldu zuenez, migratzaileak osasuntsu daude, baina horietako 23k positibo eman zuten atzo eginiko covid testean.
