Epaileak espetxera bidali du Sunbillan hilketa matxista egiten saiatzeagatik atxilotutako bikotea

Epaileak azaldu duenez, bikoteak ustez plan bat zuen ikertutako gizonaren emazte ohiaren bizitzarekin akabatzeko. Magistratuak hilketa saiakera egotzi die.

EITB Media

publikatuta: 2022/01/28 14:39 (UTC+1)

azken eguneratzea: 2022/01/28 14:39 (UTC+1)

Emakumearen aurkako Indarkeriaren arloko Iruñeko Epaitegiko titularrak behin-behineko espetxealdia, komunikatua eta fidantzarik gabekoa agindu du Sunbillan hilketa matxista egiten saiatzeagatik atxilotutako bikotearentzat.

Foruzaingoak emakume bat eta Etxalarko gizon bat (biktimaren bikotekidea) atxilotu zituen emaztea zihoan autoari errifle batekin tiro egitea egotzita. Magistratuak azaldu duenez, bikoteak ustez plan bat zuen ikertutako gizonaren emazte ohiaren "bizitzaren aurka egiteko".

Hilaren 23an, ebazpen judizialean jasotzen denez, bi inputatuak gertakarien lekuan izan ziren, eskopeta batekin salatzailearen ibilgailuari tiro egin ziotenean, zehazki, gidariaren leihatilaren ingurura.

Magistratuak hilketa saiakera egotzi die.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea

Indarkeria matxista Nafarroa Gizartea Indarkeria matxistaren biktimak Eguneko albisteak Albisteak Matxismoa Foruzaingoa

Epaileak espetxera bidali du Sunbillan hilketa matxista egiten saiatzeagatik atxilotutako bikotea

Esteka kopiatuta