2022an sanferminak ospatuko direla baieztatu du Iruñeko alkateak

Bost hilabete pasatxo gelditzen diren honetan, aurten sanferminak ospatu egingo direla baieztatu du Enrique Maya Iruñeko alkateak. Ez hori bakarrik, uztailaren 6ko txupinazioan "oso pertsona bereziak" parte hartuko duela iragarri du. Ildo horretan, iragarri du buruan duela txupina jaurtiko duen pertsonaren izena.

2022ko San Fermin jaiez galdetuta, Iruñeko Udala egingo diren hipotesiarekin lanean ari dela azpimarratu du Enrique Maya alkateak Diario de Navarra egunkariari egindako adierazpenetan. "Udaleko sail ezberdinak sailak lanean ari dira sanferminak egin daitezen. Jaiez gozatzeko aukera izango dugula pentsatu nahi dut, egun horietarako prest egongo gara ", adierazi du.

Sanferminak beti bezalakoak izango direla espero du Mayak eta hori dela Udalak darabilen hipotesia. Gaineratu duenez, osasun murrizketaren bat indarrean balego, neurriak beteko lituzkete.

Halaber, laster egingo omen du sanferminetako mahaiak bilera.