Gasteizko Udalak markesinetan jarritako abortuaren aurkako kartelak kentzeko eskatuko du

Gasteizko Udalak abortuaren aurkako kartelak kentzeko eskatuko du. Kartel horiek hiriburuko bost markesinetan jarri ditu Propagandisten Elkarte Katolikoa Espainiako 33 hiritan egiten ari den kanpaina baten barruan.

"Abortuen kliniken aurrean otoitz egitea bikain dago" da markesinetan jarritako kartelen goiburu nagusia. EH Bildu eta Elkarrekin Gasteiz udal taldeek eta Clara Campoamor emakumeen eskubideen aldeko elkarteak kartel horiek kentzeko eskatu dute.

Gorka Urtaran Gasteizko alkateak ostegun honetan adierazi duenez, kanpaina horrek "abortuari buruzko jarrera askea adierazten du, baina ez nator bat ez funtsean ez forman", eta, gainera, "iraingarria eta diskriminatzailea" denez, "Udal ordenantza urratzen ari litzateke" eta "kendu egin beharko litzateke".

Urtaranek komunikabideen aurrean esan duenez, "gai etikoa" da, "emakumeak bere gorputzarekin egiten duena erabakitzeko duen eskubidea", eta  hori "adierazpen askatasunerako eskubidearen gainetik dago".

"Hori da Udalaren jarrera, baina txosten teknikoetan oinarritu behar da, enpresari gure jarrera eta kanpaina hori kentzeko eskaera helarazteko", gaineratu du.

Irene Montero Berdintasun ministroak ere kanpaina kritikatu du, Twitterreko bere kontuan honako hau idatzi baitu: "Lapurtzen baduzu, nahiz eta otoitz egin, lapurtzen ari zara. Aatzen baduzu, nahiz eta errezatu, jazartzen ari zara. Eskubide guztiak blindatuko ditugu emakume guztientzat ".