Gizartea -
INAUTERIAK
Tolosako Udalak gaur erabakiko du aurtengo inauteriak egin ala ez
2021a inauteririk gabeko lehen urtea izan zen Gipuzkoako udalerri horretan, frankismoan ere mantendu eta ospatu baitziren.
EITB Media
Tolosako Udalak bilera egingo du gaur 2022ko inauteriak ospatu ala ez erabakitzeko. EITB Mediak jakin duenez, 12:30ean izango da bileraren osteko prentsaurrekoa. Besteak beste, covid-19ak eragindako egoera epidemiologikoa aztertuko dute bertan udal agintariek.
Iaz bertan behera utzi zituzten Tolosako inauteriak. Udalak "pilaketak saihesteko" eta herritarren "segurtasuna eta osasuna bermatzeko" hartu zuen erabakia. Horrela, 2021a inauteririk gabeko lehen urtea izan zen Tolosan, frankismoan ere mantendu eta ospatu baitziren.
Egutegiari begiratuz gero, aurten otsailaren 24an izango da Ostegun Gizena, eta martxoaren 2an, berriz, Hausterre eguna.
