Gizartea -
Koronabirusa
Ia 2.000 kasu hauteman dituzte Nafarroan azken orduotan
Sarrigurenen izan dira kasu gehien 75; Barañainen 65, Burlatan 62, Arrotxapean 57 eta Zizur Nagusian 56.
O.P. | Eitb Media
Hirugarren egunez egun bakarrean izan diren kutsatu kopuruaren marka hautsi da Nafarroan. Azken orduotan 1.942 kasu zenbatu dituzte, Nafarroako Gobernuak emandako behin-behineko datuen arabera. Gainera, koronabirusa dela eta hiru pertsona gehiago hil direla jakinarazi dute.
Hala, goranzko joeran jarraitzen dute koronabirus kasuek Nafarroan: asteazkenean 1.611 kasu berri hauteman zituzten, 1.099 asteartean eta 921 astelehenean.
Sarrigurenen izan dira kasu gehien 75; Barañainen 65, Burlatan 62, Arrotxapean 57 eta Zizur Nagusian 56.
Ostegun honetan 14 pertsona ospitaleratu zituzten, horietako hiru ZIUn. Une honetan 144 pertsona daude ospitaleratuta, horietatik 26 zaintza intentsiboetan.
Atzo 7.792 proba egin ziren Nafarroan eta positibotasun tasa % 24,9koa izan zen.
Ostegunean 3.833 txerto jarri ziren, beraz, guztira 1.208.802 dosi eman dira. 536.597 pertsonak dute pauta osoa.
