Covid-19 koronabirusa: Positiboak Nafarroan, 2021eko irailak 11

Positibo berriek 50eko langatik behera jarraitzen dute Nafarroan

Atzo covid-19aren 46 kasu berri erregistratu ziren, aurreko egunean baino bi gutxiago, Osasun Sailaren behin-behineko datuen arabera.

Emakume bat txertoa jasotzen

Emakume bat txertoa jasotzen. Irudia: EFE

I. G. | EITB MEDIA

publikatuta: 2021/09/11 09:21 (UTC+2)

azken eguneratzea: 2021/09/11 11:37 (UTC+2)

Covid-19aren positibo berriek beherakada txiki bat izan dute Nafarroan, 46 kasu berri atzeman baitituzte, bezperako 48 kasuen ostean, Osasun Sailaren behin-behineko datuen arabera.

Horrela, Nafarroa egunero kutsatutako 50 pertsonako langatik behera mantentzen da bigarren egunez jarraian.

Kasu gehien izan dituzten eremuak Milagro eta Arrotxapea auzoa izan dira (lau kutsatu bakoitzean), eta ondoren Antsoain (hiru kasu).

Ostegunean, 48 kasu zenbatu zituzten Nafarroan, lau ospitaleratze izan ziren, hiru ZIUn, eta ez zen hildakorik izan.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Positibo berriek 50eko langatik behera jarraitzen dute Nafarroan

Esteka kopiatuta