Espainiako Gobernuak hondamendi-eremu izendatu du Valtierra uztaileko suteagatik

Uda honetan izandako suteek autonomia erkidego ezberdinetan suntsitutako guneak hondamendi-eremu izendatu ditu Espainiako Gobernuak, eta tartean dago Valtierra.

Joan den uztailean piztutako suak 517 hektarea kiskali zituen Vedado de Eguaras parke naturalean eta bere inguruetan, Nafarroako Gobernuak jakinarazi zuenez.

Trantsizio Ekologikorako Ministerioak gaur zehaztu duenez, uda hasi zenetik eta joan den abuztuaren 15a bitartean, 5.942 sute izan dira Estatuan eta, guztira, 46.600 hektarea erre dira.

Bestalde, Ministroen Kontseiluak Errioxa ere hondamendi-eremu izendatzea erabaki du, ekainaren 14tik 16ra bitartean izan ziren uholdeek eragindako kalteengatik.