Gizartea -
Koronabirusa
Hildako bi eta koronabirusak kutsatutako 100 kasu berri atzeman dituzte Nafarroan
Bezperan baino 55 kutsatu gutxiago hauteman dituzte. Burlata, zazpi kasurekin, izan da azken orduetan kaltetu gehien izan dituen udalerria, Iruñearen atzetik.
EITB Media
Ostiraleko gorakadaren ostean, Nafarroako koronabirus kasuek behera egin dute azken orduetan, 100 kasuraino. Hala, bezperarekin alderatuta, behera egin du, orduan 155 kutsatu baitziren.
Guztira, 1.084 proba egin zituzten, beraz, positibotasun tasa % 9,2an kokatu da larunbatean.
Horrez gainera, pertsona bi ospitaleratu behar izan zituzten, horietako bat ZIUan, eta hildako bi baieztatu zituzten. Horrela, dagoeneko 1.215 pertsona hil dira koronabirusagatik Nafarroan.