Baso-makina batek zauritutako langile bat ebakuatu dute Markina eta Elgoibar artean, helikoptero bat erabilita

Baso-makina batek zauritutako langile bat ebakuatu dute, Elgoibar eta Markina artean. Bizkaiko suhiltzaileek, larrialdi zerbitzuekin eta Ertzaintzaren Erreskate Unitatearekin batera, zauritua ospitaleratu dute helikoptero bat erabilita.

Segurtasun Sailak informatu duenez, istripua 14:30ak aldera gertatu da eta zauritua 44 urteko gizon bat izan da.

Bizkaiko Suhiltzaileek Twitterren txiokatutako irudietan, langilearen gorputza esku-ohe batean inmobilizatuta ikusten da. Larrialdi zerbitzuek Osakidetzaren helikoptero batera hurbildu eta ospitaleratu dute zauritua.