400 kasuen langa gainditu da berriro ere Nafarroan

404 koronabirus kasu zenbatu dituzte azken orduetan. Hala ere, duela 7 egun (434) eta duela 14 egun (608) hautemandakoekin alderatuta, kasu gutxiago dira.

EITB Media

publikatuta: 2021/07/29 09:42 (UTC+2)

azken eguneratzea: 2021/07/29 09:49 (UTC+2)

Beste egun batez, gora egin dute covid-19 kasuek Nafarroan eta 404 kasu zenbatu dituzte asteazkenean. 400 kasuen langa gainditu arren, duela 7 eguneko 434 kasuen eta duela 14 eguneko 608 kasuen azpitik mantentzen dira oraingoz.

Hiru egunez segidan egin dute gora kasuek, 382 izan baitziren asteartean eta 312 astelehenean.

Herrien arabera, Tutera hauteman dira gehien, 17 kasu, Barañainen 15 kasu, Burlata 13, Lizarra eta Sarriguren 12 eta Atarrabia 11; Iruñean, berriz, Arrotxapea eta II Zabalgunea (15 kasu), Azpilagaña (14 kasu) eta San Juan (13 kasu) auzoak nabarmentzen dira.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Nafarroa Gaixotasunak Gizartea Eguneko albisteak Albisteak Zientzia Osasun albisteak Medikuak Erizaintza Sendagaiak Txertoak Nafarroako Ospitale Gunea Koronabirusa Anbulatorioak Osasunbidea

400 kasuen langa gainditu da berriro ere Nafarroan

Esteka kopiatuta