Datorren astean hasiko da gazteen txertaketa Euskadin

Hala ere, Eusko Jaurlaritzako Osasun Saileko iturriek baieztatu dutenez, 16 eta 29 urte bitarteko pertsona batzuei aste honetarako ere hitzordua eman diete, “agenda betetzeko”.

Laster hasiko dira 16 eta 29 urte bitarteko gazteak txertatzen Euskadin. — Aste honetan hasiko dira 16-29 adin tartekoak txertoaren lehen dosia hartzen EAEn

I. R. | EITB Media

publikatuta: 2021/07/12 10:52 (UTC+2)

azken eguneratzea: 2021/07/12 16:02 (UTC+2)

Euskadiko gazteen txertaketa datorren uztailaren 19an hasiko da, ofizialki. Hala ere, Eusko Jaurlaritzako Osasun Saileko iturriek EITB Mediari baieztatu diotenez, aste honetan 16 eta 29 urte bitarteko neska-mutil gutxi batzuk ere txertatuko dituzte, "agenda betetzeko".

Joan den uztailaren 9an hasi ziren gazteak txertoa hartzeko hitzordua eskatzen. Lehenengo 24 orduetan, 80.000 lagunek izena eman zuten, eta Gotzone Sagardui Osasun sailburuak esan du "arrakastatsua" izan dela talde gaztearen hitzorduen irekiera.

Gainera, Osasun sailburuak gogoratu duenez, oraindik hitzordua hartu ez dutenek horretarako aukera izango dute uztailean eta abuztuan, Osakidetzaren webgunearen bitartez.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Osakidetza Eusko Jaurlaritza Gizartea Eguneko albisteak Albisteak Txertoak Koronabirusa

Datorren astean hasiko da gazteen txertaketa Euskadin

Esteka kopiatuta