Plentziak bertan behera utzi ditu jaiak, baina kultur ekintzen aldeko apustua egin du udan

Plentziak (Bizkaia) bigarren urtez jarraian bertan behera utzi ditu herriko jaiak, covid-19ak eragindako pandemiagatik. Hala ere, Udalak aurreratu duenez, kultur jardueren agenda bat antolatu du udan, zehar garatuko dena.

Udalak eta Jai Batzordeak erabakia hartu dute, eta, "pairatzen den egoera epidemiologiko delikatuaren aurrean, arduratsuena jaien ospakizunari uko egitea eta pandemiaren aurkako borrokan egiten ari den lana arriskuan ez jartzea" dela adierazi dute.

Hala ere, Udaleko Festa Arloa eta Jai Batzordea Kultura Sailarekin eta herriko eragile sozialekin lanean ari dira irailera arte luzatuko den kultur programa martxan jartzeko. Programa horrek "adin eta gustu guztientzako jarduerak" izango ditu, "uda herrian dinamizatzeko".

Horretarako, formatu murriztuekin eta edukiera mugatuekin lan egingo da, eta hitzordu guztietarako covidaren aurkako protokolo bat ezarriko da, une bakoitzean indarrean dauden osasun-araudi eta -gomendioak zorrotz betetzeko.