Beste arranokume arrantzale bat hil da Urdaibain

Duela hiru aste Urdaibain jaiotako arrano arrantzaleetako bat hil da. Urdaibai Bird Centerrek jakitera eman duenez, litekeena da hipotermiak jota hil izana.

Zentroko langileek azaldu dute oso espezie delikatua dela, eta arrano arrantzaleek hiltzeko arrisku handia dutela lehenengo hiru asteetan. "Kumeak nahiko handiak dira eta ez dute lumarik, amak ezin ditu behar bezala babestu", esan dute Bird Centerreko ordezkariek.

Maiatza bukaeran jaio ziren hiru txorikumeak, Urdaibai Bird Centerren espezieen berreskuratze programaren baitan. Jaiotzak berebiziko garrantzia izan du, izan ere, azken hamarkadetan Kantauriko kostetan sortu diren lehenak izan dira. Gainera, hiruretako bat albinoa zen, munduko espezie bakarra.

0:57

Ekainaren 5ean, Bird Centerreko arduradunek arrano albinoaren heriotzaren berri eman zuten. Ikusmen arazoak tarteko, gurasoek ekartzen zizkioten jakiak eskuratzeko zailtasunak zituen txitak.

Hala, hiru kumeetatik bakarrak lortu du bizirautea eta osasuntsu dago, zentroko langileek berretsi dutenez.