Gizartea -
Koronabirusa
Euskadin 16 urtetik gorako biztanleen % 55,6k jaso dute lehen dosia
Populazioaren % 36,1ek jarraibide osoa bete dute. Bestalde, AstraZenecarekin txertoa hartu duten 60 urtetik beherakoen % 29k Pfizerren bigarren dosia jaso dute, eta % 17k AstraZenecarena.
EITB MEDIA
Euskadiko biztanleen % 55,6k covid-19aren aurkako txertoaren lehen dosi bat du dagoeneko, eta % 36,1ek jarraibide osoa bete du. 50 eta 59 urte bitartekoen artean, % 83,4koa da lehen ziztada, eta gora egiten ari da 40 eta 49 urte bitartekoen artean ( % 19,7).
Gutxienez dosi bat jaso dutenen eta inmunizazio osoa dutenen ehunekoa kalkulatzeko kontraindikazioa dutenak eta txertoari uko egin diotenak helburuko populaziotik (16 urte edo gehiagoko populazioa) kentzen dira.
Eusko Jaurlaritzako Osasun Sailak ostiral honetan eguneratutako datuen arabera, Euskadin 1.036 535 pertsonak (asteazkeneko txertoekin alderatuta, 19.915 txerto gehiago) du txertoa jarrita, eta 672.186 pertsonak (28 208 gehiago) jarraibide osoa bete du, guztira 1.630.252 dosi eman ondoren (jasotako dosien % 91,9).
AstraZeneca lehen dosia duten 60 urtetik beherako pertsonen bigarren dosiei dagokienez, orain arte, 23.494k (% 29) osatu du Pfizer txertoarekin eta 14.245ek (% 17) AstraZenecarekin.
