45 urteko herritarrei txertoa jasotzeko txanda ematen hasi da Osakidetza

Osasun Sailak azaldu duenez, asteburuan jasoko dituzte lehen dosiak herritar horiek.

Txertaketa Kasillako Pabiloian — 45 urtekoak gaur hasiko dira Osakidetzaren mezua jasotzen

Eitb media

publikatuta: 2021/06/10 14:23 (UTC+2)

azken eguneratzea: 2021/06/10 16:55 (UTC+2)

Osakidetza hasi da 45 urteko herritarrei txertoa jasotzeko txanda ematen. Osasun eremuen arabera adinean gero eta beherago iristen ari dira mezuak, txanda eskatu duten 45 urteko herritar hauek asteburu honetan bertan hasiko dira dosiak jasotzen.

Astelehenean ekin zion Osakidetzak 40 eta 49 urte arteko herritarrei hitzordua emateari, 320.000 herritar inguru daude tarte horretan. 49tik hasi ziren astelehenean, gaur, dagoeneko, 45 urtekoak dira SMSak jasotzen ari direnak.

Osasun Sailak Euskadi Irratiari azaldu dionez, asteburuan jasoko dituzte lehen dosiak herritar horiek.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Osakidetza Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Koronabirusa Galdakao-Usansolo Ospitalea Anbulatorioak

45 urteko herritarrei txertoa jasotzeko txanda ematen hasi da Osakidetza

Esteka kopiatuta